काठमाडौँ । राष्ट्रिय स्वतन्त्र पार्टी (रास्वपा) का प्रवक्ता मनिष झाले जेनजी आन्दोलनका क्रममा नक्खु कारागारमा रोक्दै गरेको भिडियोमा अरू क्लिप राखेर आफूमाथि कारागार जलाउन नेतृत्व गरेको भनेर आरोप लगाइएको दाबी गरेका छन् । मंगलबार केन्द्रीय समितिको बैठकपछि आयोजित पत्रकार सम्मेलनमा झाले भने, ‘आगलागी हुँदै गर्दा एउटा राजनीतिज्ञले रोक्न जानु मेरो धर्म होइन ?’

उनले आफ्नै पार्टी सभापति २ मिटर टाढा रहेको र त्यो आरोप लाग्ने डर रहेको भन्दै सभापतिलाई स्वागत गर्न आएको जमातले आगो लगायो भन्ने डरले गर्दा पनि आफू रोक्न गएको बताए । उनले आफूले आजगजी गर्न रोकेको भिडिओ हालेर आफ्नो मानमर्दन गरेको बताए । उनले थपे, ‘अब दाहसंस्कारमा नजाने ? तिमीले नै मारेको भन्देला । छिमेकीमा आगो लाग्दा नजाने ? तिमीले नै लगाएको भन्देला । सडकमा दुर्घटना हुँदा बचाउन नजाने ? तिमीले नै लडाएको भन्देला । किनकी आगो निभाउन जाँदा तैले लगाइस् भन्ने समाज छ यहाँ ।’

आफूले रोक्दै गर्दा रातो टिसर्टको मान्छे भिडियोमा समेत देखिएको भन्दै उनले मलाई जान भनेको र आफू फर्किएको बताए । उनले आफूमाथि छानबिन गर्न समेत भनेका छन् । ‘मेरो छानबिन नहोस् भनेको होइन, ममाथि पनि छानबिन होस्। जुन समिति बनेको छ, त्यसका आधारमा अरू भिडियो पनि लिएर जापान बस्ने मानिस (रविन) लाई अपलोड गर्न लगाइएको पनि झाले बताएका छन् ।