काठमाडौं । राष्ट्रपति रामचन्द्र पौडेलले मतदाता नामावली ऐन–०७३ संशोधन गर्न बनेको अध्यादेश आज जारी गरेका छन् । मन्त्रिपरिषद्को सिफारिसमा पौडेलले अध्यादेश जारी गरेका हुन् । आउँदो फागुन २१ का लागि तय भएको प्रतिनिधिसभाको निर्वाचनका लागि मतदाता नामावली दर्ता गर्ने समय थप्नका लागि अध्यादेश जारी भएको हो ।

अब आयोगले मतदाता नामावलीमा नाम दर्ताका लागि समय तोक्ने छ । भदौ २३ र २४ गते भएको जेनजीको आन्दोलनपछि तत्कालीन सरकार ढलेर अन्तरिम सरकार बनिसकेको छ । पूर्व प्रधानन्यायाधीश सुशीला कार्कीको नेतृत्वको वर्तमान सरकारले फागुन २१ गते निर्वाचन गराउनु पर्ने कार्यभार छ । आगामी निर्वाचनमा जेनजीहरुलाई समेट्नु पर्ने माग उठिरहेको छ ।