काठमाडौं । राप्रपाको केन्द्रीय कार्यसम्पादन समितिको बैठक बसिरहेको छ । पार्टी केन्द्रीय कार्यालयमा केही बेरअघिबाट बैठक बसिरहेको प्रवक्ता मोहन श्रेष्ठले जानकारी दिए । बैठकमा समसामयिक राजनीतिक परिस्थितिको समीक्षा, पार्टीको साङ्गठनिक र विविध विषयमा छलफल केन्द्रित रहेको बताए । आजको बैठक संस्थापन इतर पक्षले बहिष्कार गरेको छ ।

महामन्त्रीद्वय डा. धवलशम्शेर राणा र कुन्ती शाहीले पार्टी अध्यक्ष राजेन्द्र लिङदेनलाई ४ बुँदे मागसहित पत्र पठाएर बैठक बहिष्कार गर्ने जानकारी गराएका थिए । अध्यक्ष राजेन्द्र लिङ्देनको कार्यशैलीमा प्रश्न उठाउँदै उनीहरू बैठकमा अनुपस्थित भएका हुन् । बैठकअघि महामन्त्रीद्वयले केन्द्रीय कार्यसम्पादन समिति बैठक बहिस्कार गर्ने जानकारी अध्यक्ष लिङ्देनलाई दिएका थिए ।