काठमाडौं । निवर्तमान प्रधानमन्त्री समेत रहेका नेकपा (एमाले) अध्यक्ष केपी शर्मा ओलीका लागि भक्तपुरको गुण्डुमा नयाँ घर ‘ओली कुटी’ निर्माण गर्न तयारी भएको छ । एमाले पोलिटब्युरो सदस्य महेश बस्नेतले सामाजिक सञ्जालमार्फत ओली कुटी बनाउने घोषणा गर्दै स्थानीय बासिन्दाको पहलमा आफू संयोजकका रूपमा रहने बताएका छन् ।

भदौ २३ र २४ गतेको देशव्यापी ‘जेनजी आन्दोलन’का क्रममा भक्तपुर–बालकोटस्थित ओलीको घर जलाएपछि उनी हाल भाडाको घरमा बस्दै आएका छन् । सोही घटनापछि स्थानीयले नयाँ घर बनाउने प्रस्ताव अघि सारेका हुन् । बस्नेतका अनुसार ‘ओली कुटी’ कस्तो देखिने भन्ने विषयमा देशभरबाट नमुना चित्र संकलन भइरहेको छ । उनले लेखेका छन्, ‘स्थानीयले आफ्नै पहलबाट घर बनाउन थालिसकेका छन्, म संयोजकको भूमिकामा रहनेछु ।’

यसअघि बुधबार बालकोटस्थित जलेको घरको अवलोकनमा पुगेका ओलीसँगै बस्नेतले उक्त घर अब मर्मत नहुने बताएका थिए । ओलीले आफूले सरकारको नाममा दिएको घर सरकारी सम्पत्ति भएकाले व्यक्तिगत खर्चमा मर्मत नगरिने बताएका थिए । बस्नेतले ओलीका जलेका सम्पूर्ण घरहरू राज्यले संरक्षण गर्नुपर्ने भन्दै सरकारलाई आवश्यक पहल गर्न आग्रह गरेका छन् । ओली कुटी कस्तो बनाउने भन्ने विषयमा देशभर बाट नमुना चित्र संकलन भईरहेको बस्नेतले उल्लेख गरेका छन् । उनले आफ्नो फेसबुकमा लेखेका छन्, ‘स्थानीयले आफ्नै पहलबाट घर बनाउन पहल लिएका छन म आफु संयोजकको भूमिकामा रहनेछु ।’

‘ओली कुटी कस्तो देखिन सक्छ ?’ भनेर अहिले नै फोटो संकलन सुरु भइसकेको छ । देशभरबाट सुझाव र समर्थन आउँदैछ ।’ भदौ २४ गते जलेको ओलीको बालकोटको घर भने मर्मत नहुने बस्नेतले बुधबार नै जानकारी गराएका थिए । बुधबार जेनजी आन्दोलनका क्रममा जलेको घरको अवलोकनमा पहिलो पटक ओली बालकोट आएका थिए । त्यसै क्रममा बस्नेतले जलेको घर मर्मत नहुने जानकारी दिएका थिए । ओलीले आफ्नो शेषपछि सरकारको नाममा दिने घोषणा गरेको घर सरकारको सम्पत्ति रहेकाले व्यक्तिगत खर्च लगाएर मर्मत नगरिने बस्नेतको भनाई थियो ।

बुधबार ओली निवास बालकोटमा पत्रकारहरुसँग कुराकनी गर्ने क्रममा ओलीको जलेको घर मर्मत नगरिने बताएका थिए । साथै बस्नेतले ओलीका जलाईएका सबै घर उनको रहको पनि जानकारी दिएका थिए । जसलाई सरकारले प्रोग गर्न समेत आग्रह गरेका छन् । ओलीले बालकोटका दुवै घर श्रीमती राधिका शाक्यले ३३ वर्ष राष्ट्र बैंकमा जागिर खाएर बनाएको बताएका थिए । ‘हामीले यी घर आफ्नो नामबाट राजीनामा पास गरिदिसकेका थियौँ । हाम्रो निजी सम्पत्तिका रूपमा यी थिएनन् । हामी बाँचुञ्जेलसम्म निकाल्न नपाउने गरी बसेका थियौँ । हाम्रो निधनपछि यो सम्पत्ति सार्वजनिक हुन्थ्यो,’ उनले भनेका थिए, ‘हामीले यहाँको केही पनि चलाउने गरेका थिएनौँ । जसले क्षति ग¥यो उसले दण्डित हुनुपर्छ । यो त राज्यको क्षति हो ।’

अध्यक्ष ओलीले गृहमन्त्री ओमप्रकाश अर्यालले आफूमाथि व्यक्तिगत दुष्मनी पालेको भन्दै आफूविरुद्ध थप योजना बनाइराखेको गम्भीर आशंका रहेको बताएका थिए । ओलीले जेनजीको आन्दोलनको नाममा गलत तत्वहरूले देशको विरुद्ध भयानक षड्यन्त्र गरेको दाबी गरे ।
ओलीकी धर्मपत्नी राधिका शाक्यले पनि खण्डहर बनेको घर अवलोकन गर्दै नयाँ पुस्तालाई यो घर संग्रहालयको रूपमा छोड्ने सपना राखेको बताएकी थिइन् । तर, अब त्यो सपना खरानीमा परिणत भएको उनको गुनासो थियो ।