काठमाडौं । राष्ट्रिय स्वतन्त्र पार्टी (रास्वपा) को सचिवालय बैठक आज (आइतबार) बिहान ११ बजे पार्टी केन्द्रीय कार्यालय चःमतिमा बस्दैछ । पार्टी प्रवक्ता मनिष झाका अनुसार, बैठकमा पाँच महत्त्वपूर्ण कार्यसूचीमाथि छलफल हुनेछ ।

प्रमुख एजेण्डाहरू
– समसामयिक राजनीति र आगामी कदमः देशको वर्तमान राजनीतिक अवस्था र पार्टीले अब चाल्नुपर्ने कदमबारे गहन छलफल हुनेछ ।
– विस्तारित बैठक र महाधिवेशनको तयारीः आगामी कात्तिक २१ र २२ गते आयोजना हुने विस्तारित बैठकको तयारीबारे छलफल हुनेछ। यसैगरी, फागुन ७, ८ र ९ गतेका लागि तय भएको पहिलो महाधिवेशनको मिति सार्नेबारे पनि बैठकमा विचारविमर्श हुनेछ ।
–मतदाता नामावली दर्ता अभियानः आगामी फागुन २१ गते निर्वाचनको मिति तोकिएकाले कात्तिक मसान्तभित्र मतदाता नामावलीमा नाम दर्ता गर्नुपर्ने समयसीमालाई मध्यनजर गर्दै पार्टीले यसलाई अभियानका रूपमा अघि बढाउने तयारी गरेको छ ।
–पार्टी गतिविधि समीक्षा र योजनाः हालसम्मका पार्टी गतिविधिहरूको समीक्षा गर्दै आगामी योजनाहरू निर्माण गरिनेछ ।
–विविध प्रस्तावहरूः माथि उल्लेखित एजेन्डाहरूबाहेक अन्य विविध प्रस्तावहरूमाथि पनि छलफल गरिनेछ ।
–पार्टीको यो बैठकले आगामी दिनका लागि महत्वपूर्ण रणनीतिहरू तय गर्ने अपेक्षा गरिएको छ । विशेषगरी, महाधिवेशनको मिति र मतदाता नामावली अभियानबारे गरिने निर्णयहरूलाई निकै चासोका साथ हेरिएको छ ।