काठमाडौं । राष्ट्रिय स्वतन्त्र पार्टी (रास्वपा) को वृहत राजनीतिक संवाद सुरु भएको छ । रास्वपाले काठमाडौँको बालुवाटारमा वैकल्पिक राजनीतिक शक्तिहरुसँग बृहत छलफल सुरु गरेको हो । छलफलमा पूर्व प्रधानमन्त्री बाबुराम भट्टराई, नाउपा, नेपालका संरक्षक रेशम चौधरी, वीरेन्द्रबहादुर बस्नेत नेतृत्वको गतिशिल लोकतान्त्रिक पार्टी, रास्वपा उपसभापति डा. स्वर्णिम वाग्ले, जेनजी अगुवा सुदन गुरुङ पक्ष लगायतको उपस्थिति छ ।

पार्टीको मंगलबार बसेको सचिवालय बैठकले उपभासपति डा. स्वर्णिम वाग्लेलाई सो छलफलको जिम्मेवारी तोकेको थियो । वैकल्पिक राजनीतिक शक्तिहरुसँग यसअघि भएको एक्ला एक्लै छलफललाई अब सामूहिक र बृहत्तर बनाउन सो छलफलको कार्यक्रम आयोजना गरिएको हो ।

पार्टीले सबै वैकल्पिक राजनीतिक शक्तिहरूको नेतृत्व गर्न साझा धारणा बनाउन र जेनजी आन्दोलनको मर्मलाई लक्ष्यमा पु¥याउन यो बैठक फलदायी हुने अपेक्षा गरिएको छ । एक भन्दा धेरै दल र समूहसँग समान धारणा र एजेण्डा बनाउन सो बैठक आयोजना गरिएको रास्वापा नेतहरुले बताएका छन् । नयाँ राजनीतिक शक्ति, स्वतन्त्र विचारक एवं अभियन्ता र नवयुवा पुस्ताका प्रतिनिधिहरुबीच सहकार्यका नहुँदा पश्चगमनको ढोका खोलिने अप्रिय सम्भावनाको यथार्थबोध गर्दै विविध राजनीतिक विकल्पबारे खुला छलफल आयोजना गरिएको उपसभापति वाग्लेले बताएका छन् ।