काठमाडौँ । आन्दोलन सफल नहुँदासम्म आफूहरुलाई चुनाव नचाहिएको जेनजी अगुवा पुरुषोत्तम यादवले बताएका छन् । शुक्रबार बालुवाटारमा रास्वपाले आयोजना गरेको वैकल्पिक शक्तिहरुसँगको बृहत राजनीतिक संवादमा उनले अहिले आन्दोलनको माग र मर्म अनुसारको प्रतिफल नआएको गुनासो गरे ।

‘आन्दोलनको माग र मर्म अनुसार प्रतिफल आएको छैन । आन्दोलन संस्थागत नहुँदासम्म हामीलाई चुनाव चाहिएको छैन । हामी आन्दोलनको माग पुरा नभएसम्म लडिरहन्छौ । आन्दोलनको माग पुरा नभएको अवस्थामा चुनाव मात्रै भएर केही हुँदैन’ यादवले भने । उक्त कार्याक्रममा पूर्व प्रधानमन्त्री डा. बाबुराम भट्टराईले रास्वपा सभापति रवि लामिछानेलाई जेल बाहिरै बसेर मुद्दा लड्न मिल्ने अवस्था सिर्जना गर्नुपर्ने धारणा राखेका छन् । रविमाथि अन्याए भएको भन्दै उनले अहिले रविको नेतृत्वमा सबै वैकल्पिक शक्ति एक हुनुपर्ने मत राखे । रास्वपाले आयोजना गरेको राजनीतिक संवाद बालुवाटारमा जारी छ । जसको नेतृत्व रास्वपा उपसभापति डा. स्वर्णिम वाग्लले गरेका छन् ।