काठमाडौं । राष्ट्रिय स्वतन्त्र पार्टी (रास्वपा) ले पार्टीको सदस्य संख्या दुई लाख ४१ हजार ७९९ पुगेको जनाएको छ । शुक्रबारदेखि चितवनको सौराहामा सुरु भएको विस्तारित बैठकमा महामन्त्री कविन्द्र बुर्लाकोटीले पेस गरेको सांगठानिक प्रतिवेदनमा यस्तो दाबी गरिएको छ ।

यद्यपि, तीमध्ये अहिलेसम्म एक लाख ७३ हजार ५९ सदस्यको मात्रै प्रमाणिकरण भएको उल्लेख गरिएको छ । तीमध्ये थारू समुदायको सदस्यता १.५ प्रतिशत, मुस्लिम समुदायको १.१ प्रतिशत, आदिवासी जनजातिको १९.३ प्रतिशत र दलित समुदायको सहभागिता ७.३ प्रतिशत छ । रास्वपामा महिला सदस्य संख्या १४ प्रतिशत रहेको जनाइएको छ ।