काठमाडौँ । नेपाली कांग्रेसले पार्टीका केन्द्रीय सदस्य अफताब आलमको निधनमा तीन दिनसम्म झण्डा आधा झुकाउने निर्णय गरेको छ । शनिबार बसेको सो पार्टीको आकस्मिक बैठकले शोक प्रस्ताव पारित गर्दै उक्त निर्णय गरेको हो ।

कार्यवाहक सभापति पूर्णबहादुर खड्काको अध्यक्षतामा शनिबार बसेको आकस्मिक बैठकले कात्तिक २२, २३ र २४ गते पार्टीको केन्द्रीय कार्यालय, प्रदेश र जिल्ला कार्यालयमा झण्डा आधा झुकाउने निर्णय गरेको हो । त्यस्तै कात्तिक २३ गते केन्द्र, प्रदेश र जिल्ला कार्यालय बन्द गर्ने निर्णय समेत बैठकले गरेको छ ।

६३ वर्षीय आलमको गएराति काठमाडौँ मेडिकल कलेज, सिनामंगलमा उपचारका क्रममा आज निधन भएको थियो। केन्द्रीय कार्यसमितिले आलमको निधनले पार्टीले एक अनुभवी र समर्पित नेता गुमाएको जनाएको छ। बैठकले उनको आत्माको चिरशान्तिको कामना गर्दै एक मिनेट मौन धारण गरेको छ।