काठमाडौं । राष्ट्रिय स्वतन्त्र पार्टी (रास्वपा) को विस्तारित बैठकमा केन्द्रीय सदस्य डा. तोसिमा कार्कीले आफ्नो तीन पन्ने सुझाव पेस गरेकी छन्। चितवनमा जारी विस्तारित बैठकको दोस्रो दिन कार्कीले सुझाव पेस गरेकी हुन् ।

उनीसहित प्रतिनिधिहरू शंकर श्रेष्ठ, मधु आचार्य, डा. बुद्धी शर्मा र कृष्ण भुसालले पनि सुझाव पेस गरेका छन् । आचार्य र शर्माले संयुक्त रूपमा सुझाव पेस गरेका छन् । महामन्त्री कविन्द्र बुर्लाकोटीले शनिबारको विस्तारित बैठकमा कार्कीसहित पाँच जना सदस्यहरूलाई बोल्नका लागि समय दिएका हुन् ।

सुझावमा के उल्लेख छ भन्ने विषयमा खुलाउनका लागि समय दिइएको एक प्रतिनिधिले जानकारी दिए । शुक्रबार विस्तारित बैठकमा कार्कीलाई बोल्न नदिएको भन्दै केन्द्रीय सदस्य निशा डाँगी लगायतले आपत्ति जनाएका थिए । एक प्रतिनिधिका अुनसार कार्यवाहक सभापति डिपी अर्यालले प्रतिवेदन पेस गरिरहँदा बोल्न समय माग गरेकी थिइन् । पछिल्लो समय कार्कीले पार्टीको संरचना पुनर्गठनको विषय उठाउँदै आएकी छिन् ।

त्यतिबेला बोल्न नदिएको भनेर डाँगी लगायतले आपत्ति जनाएका थिए । रास्वपाको विस्तारित बैठकमा शुक्रबार ४० जनाले धारणा राखेका थिए। रास्वपा कार्यवाहक सभापति डिपी अर्यालले आफूले ६० वटा सुझाव टिपेको जानकारी दिएका छन् । बैठक आजै सकिने जनाइएको छ ।