काठमाडौँ । पूर्वयुवराज्ञी हिमानी शाहले ललितपुरको पाटनस्थित बंगलामुखी मन्दिरको दर्शन गरेकी छिन् । शनिवार बिहान उनले पाटनमै रहेको कुम्भेश्वर मन्दिरको पनि दर्शन गरी पूजापाठ गरिन् ।

दुवै मन्दिरमा पूजापाठ गर्नुका साथै उनले पाटन दरबार क्षेत्रको अवलोकन समेत गरिन् । बंगलामुखीको दर्शन गर्दा मनोकांक्षा पूरा हुने तथा शत्रु नाश हुने जनविश्वास रहेको छ ।

पूर्वयुवराज्ञी शाहले यसअघि पनि देशभरका विभिन्न शक्तिपीठ तथा मन्दिरहरूमा नियमित रूपमा पूजाआराधना गर्दै आईरहेकी छिन् । उनले हिमानी ट्रस्टमार्फत स्वास्थ्य, शिक्षा र विपद् व्यवस्थापनजस्ता क्षेत्रमा आम नागरिकलाई सहयोग पु¥याउँदै आएकी छन् ।

ट्रस्टले हालसम्म हजारौं विपन्न परिवारलाई राहत वितरण गरेको छ भने महिला सशक्तीकरण र बालबालिका शिक्षा कार्यक्रममा विशेष जोड दिएको छ । हिमानी शाह पूर्वयुवराज पारस शाहकी श्रीमती हुन् । अहिले पनि उनी सामाजिक कार्यमा सक्रिय रहेकी छिन् । उनको यो भ्रमणले धार्मिक तथा सांस्कृतिक पर्यटनलाई प्रोत्साहन दिने विश्वास गरिएको छ ।