लमजुङ । नेकपा एमाले उपमहासचिव पृथ्वीसुब्बा गुरुङले नेतृत्व गर्न उमेरले निर्धारण नगर्ने बताएका छन् । लमजुङमा पत्रकारहरूसँग कुरा गर्दै नीति कार्यक्रम भए नेतृत्व गर्न उमेरले नरोक्ने बताए ।

उनले भने, ‘नीति कार्यक्रम विचार छ भने २० वर्षको युवाले पनि चलाउन सक्छ । त्यसैले नेतृत्वको उमेरको आधारमा निर्धारण हुँदैन, क्षमता र योगदानले मात्रै हुन्छ। नीति र भिजनको आधारमा हुन्छ ।’ उनले उमेरले नेतृत्व गर्न नछेक्ने भन्दै अमेरिकी राष्ट्रपति डोनाल्ड ट्रम्प, रुसका राष्ट्रपति पुटिनको उदाहरण दिए ।

उनले भने, ‘यो मुलुकलाई यहाँसम्म ल्याएका त यिनै शीर्ष नेताहरूले नै हो। त्यसैले यी पार्टीको विकल्प खोज्ने कुरा पनि वाहियात हो ।’ उनले यो सरकारले चुनाव गर्न नसक्ने भन्दै संसद पुनर्स्थापनाको विकल्प नभएको बताए ।