काठमाडौं । नेपाली कांग्रेसका कार्यवाहक सभापति पूर्णबहादुर खड्काले राष्ट्रियसभा निर्वाचन एमाले र नेकपासँग मिलेर जानेबारे छलफल भइरहेको ‘ब्रिफिङ’ गरेका छन् । सानेपामा जारी कार्य सम्पादन समिति बैठकमा खड्काले निर्वाचनको तयारीबारे जानकारी गराएका हुन् ।

बैठकपछि सञ्चारकर्मीहरूसँग कुरा गर्दै नेतृ सुजाता कोइरालाले गठबन्धनमा पार्टीको तर्फबाट आठ सीट मागेको जानकारी गराएको बताइन् । माघ ११ गते राष्ट्रिय सभाका रिक्त १८ सीटमा चुनाव हुँदैछ । चुनावमा कांग्रेस, एमाले र नेपाली कम्युनिष्ट पार्टीबीच गठबन्धनको गृहकार्य भइरहेको छ ।

‘राष्ट्रिय सभा निर्वाचनमा गठबन्धन हुने र कांग्रेसले गठबन्धनमा ८ सीट दाबी गरेको ब्रिफिङ कार्यवाहक सभापतिले गर्नु भएको छ,’ बैठकबाट निस्किँदै गर्दा कोइरालाले भनिन् । यी दलहरूबीच तालमेलको सैद्धान्तिक सहमति भएपनि सीट संख्यामा कुरा मिल्न सकेको छैन । राष्ट्रिय सभाका १८ सीटका लागि आगामी माघ ११ गते चुनाव हुँदैछ।