काठमाडौँ, २३ पुसः ठमेलको छायाँ सेन्टरमा रहेको ‘वाल्डो क्यासिनो’मा आइलेन्स प्रयोग गरी ठगी गरेको आरोप लागेका चार भारतीयलाई पुर्पक्षका लागि कारागार चलान गरिएको छ ।

उनीहरुलाई आज पुर्पक्षका लागि कारागार चलान गरिएको हो । कारागार चलान हुनेमा दिल्लीका ५७ वर्षीय सुरेश महाजन, देहरादुनका ३९ वर्षीय प्रमोद मौर्य, उत्तराखण्डका ३२ वर्षीय विक्रमसिंह र भारत हरियानाका ३७ वर्षीय दिनेश वर्मा रहेका छन् ।

जिल्ला प्रहरी परिसर काठमाडौँका प्रवक्ता, प्रहरी उपरीक्षक पवनकुमार भट्टराईले पक्राउ परेका सात जनामध्ये चार जनालाई पुर्पक्षका लागि कारागार चलान, दुई जनालाई एक लाख धरौटीमा रिहा र एक जनालाई पाँच लाख धरौटीमा रिहा गरिएको जानकारी दिनुभयो । रु एक लाख तिरेर धरौटीमा रिहा हुनेमा सुनसरीकी ३५ वर्षीय चिजा खड्का र टोखाकी ४० वर्षीय भवानी पाण्डे रहेका छन् ।

यसैगरी पाँच लाख तिरेर रिहा हुनेमा चिनियाँ नागरिक क्यासिनो सञ्चालक छन मान छिन रहेका छन् ।