काठमाडौं । नेपाली कांग्रेसको सहमहामन्त्रीबाट निष्कासनमा परेका नेता फर्मुलाह मन्सुरले सभापति शेरबहादुर देउवाप्रति घृणाभाव प्रकट गरेका छन् ।

उनले आक्रोशित हुँदै भने, ‘बोल्न नसक्ने र हिँड्न नसक्नेहरूबाट अब केही हुँदैन ।’

उनीसहित महामन्त्रीहरू गगनकुमार थापा र विश्वप्रकाश शर्मालाई बुधबार बसेको केन्द्रीय समिति बैठकले पाँच वर्षसम्मका लागि साधारण सदस्यसमेत नरहनेगरि कारबाही गरेको छ ।

यसपछि सहमहामन्त्री मन्सुर निकै आक्रोशित सुनिए । उनले विशेष महाधिवशेनबाट अब कांग्रेसलाई गतिशील बनाउने नयाँ नेतृत्व पाउने बताए ।