काठमाडौं । युवा उद्यमशीलताको क्षेत्रमा सक्रिय र प्रेरणादायी भूमिका निभाउँदै आएका राज कार्की सम्मानित भएका छन्। सम्माननीय पूर्व प्रधानमन्त्री लोकेंद्र बहादुर चन्द तथा सूचना तथा सञ्चार प्रविधि मन्त्रीको गरिमामय हातबाट सम्मान प्राप्त गरेपछि राज कार्कीले गहिरो कृतज्ञता व्यक्त गरेका छन्।

सम्मानपछि सामाजिक सञ्जालमार्फत प्रतिक्रिया दिँदै कार्कीले यो सम्मानले आफूजस्ता युवा उद्यमीहरूलाई अझ आत्मविश्वासी, साहसी र जिम्मेवार बनाएको बताएका छन्। उनले सीप, श्रम र सिर्जनाबाट राष्ट्र निर्माण सम्भव छ भन्ने विश्वासलाई यो सम्मानले थप बल दिएको उल्लेख गरे।

“युवालाई उद्यमशीलतामा लाग्न प्रेरित गर्ने यस्ता सम्मानहरू नै सकारात्मक परिवर्तनका आधार हुन्,” भन्दै कार्कीले देशमै अवसर सिर्जना गर्ने यात्रामा अझ दृढताका साथ अघि बढ्ने प्रतिबद्धता पनि व्यक्त गरेका छन्।

उनको यो भावनात्मक अभिव्यक्तिसँगै सामाजिक सञ्जालमा युवा, उद्यमी र राष्ट्र निर्माण सम्बन्धी बहस समेत चर्किएको छ। धेरैले राज कार्कीलाई बधाई दिँदै युवा पुस्ताको आशा र प्रेरणाको प्रतीक भनेर टिप्पणी गरिरहेका छन्।