काठमाडौं । युवा तथा खेलकुदमन्त्री बब्लु गुप्ताले पदबाट राजीनामा दिएका छन् । उनी रास्वपाको तर्फबाट चुनाव लड्ने तयारी छन् । त्यसैले उम्मेदवारी दर्ता गर्नुअघि मन्त्री पद छोडेका हुन् । ‘मैले प्रधानमन्त्रीलाई राजीनामा दिने भनेर जानकारी गराइसकें’, मन्त्री गुप्ताले भने, ‘प्रधानमन्त्रीले प्रक्रिया मिलाउन मात्र बाँकी छ ।’

उनले अब चुनावका लागि आफू होमिने बताएका छन् । उनी जेनजीहरूको प्रतिनिधिको रुपमा सुशीला कार्की नेतृत्वको सरकारमा सहभागी भएका थिए । पछिल्लो समय उनी अमेरिका भ्रमणमा जाने विषय विवादमा परेको थियो । यसअघि वर्तमान सरकार तत्कालीन ऊर्जा मन्त्री कुलमान घिसिङले राजीनामा दिएका थिए । सक्रिय राजनीतिमा सहभागी हुन उनले राजीनामा दिएका थिए ।