काठमाडौं । काठमाडौं महानगरका निवर्तमान प्रहरी प्रमुख राजुनाथ पाण्डेलाई राष्ट्रिय स्वतन्त्र पार्टी (रास्वपा) ले उम्मेदवार बनाएको छ । काठमाडौं महानगरका निवर्तमान मेयर बालेन्द्र शाह (बालेन) को कोटाबाट रास्वपाले उनलाई काठमाडौं क्षेत्र नं– ३ बाट प्रतिनिधि सभा सदस्यको उम्मेदवार बनाउने भएको हो । उनले रास्वपाबाट उम्मेदवार बन्नकै लागि माग ४ गतेदेखि लागू हुने गरी २ गते राजीनामा दिएका थिए । उनले आज रास्वपा केन्द्रीय कार्यालय वनस्थलीमा पुगेर टिकट लिएका छन् ।