काठमाडौं । राष्ट्रिय प्रजातन्त्र पार्टी (राप्रपा) का वरिष्ठ नेता रवीन्द्र मिश्रले काठमाडौं क्षेत्र नम्बर १ बाट तेस्रो पटक प्रतिनिधिसभा सदस्यका लागि प्रतिस्पर्धा गर्ने भएका छन् । मिश्रलाई काठमाडौं–१ को उम्मेदवार बनाउने राप्रपाको निर्णय छ ।
उनी यसअघि दुई पटक सोही क्षेत्रबाट प्रतिस्पर्धा गरेर पराजित भएका हुन् ।

राप्रपाले काठमाडौं–२ बाट कुन्ति पोखरेल ३ मा डा. सुन्दरसिंह बोहरा, ४ मा वरिष्ठ अधिवक्ता डा. सुरेन्द्र भण्डारी, ५ मा कमल थापा, ६ मा उद्धवराज भेटवाल, ७ मा लालकुमार लामा ८ मा नविन शाही र १० मा बलराम थापा उम्मेदवार चयन गरिसकेको छ । राप्रपाले काठमाडौंका ८ वटा निर्वाचन क्षेत्रमा उम्मेदवारको टुंगो लगाएको छ । बाँकी २ क्षेत्रमा पनि सहमति नजिक रहेको पार्टी स्रोतले बतायो ।