काठमाडौं । आइसीसी महिला टी–२० विश्वकप ग्लोबल छनोटको सुपर सिक्समा स्कटल्यान्ड बंगलादेशसँग ९० रनले पराजित भएको छ ।

बंगलादेशले दिएको १९१ रनको लक्ष्य पछ्याउने क्रममा स्कटल्यान्ड १०१ रनमा मात्रै समेटियो ।

शुक्रबार टीयू अन्तर्राष्ट्रिय क्रिकेट मैदानमा भएको खेलमा बंगलादेशका कप्तान निगर सुल्तानाले अर्धशतकीय पारि खेल्दै ५६ रन बनाइन् । शोभना मोस्तारीले ४७ र जुअरिया फरडोसले २२ रन जोडिन् ।

कठिन लक्ष्य पछ्याउने क्रममा स्कटल्यान्डले निर्धारित २० ओभरमा नौ विकेट गुमाउँदै १०१ रन मात्र बनाउन सकेको हो ।

स्कटल्यान्डलाई सस्तैमा समेट्न बंगलादेशकी मारुफा अख्तरले तीन र सोर्ना अख्तरले दुई विकेट लिएकी थिइन् ।