काठमाडौं । नेपाली बजारमा आज सुनचाँदीको मूल्यमा उल्लेख्य गिरावट आएको छ।

आज सुनको मूल्य तोलामा १३ हजार ६ सय रुपैयाँले घटेर प्रतितोला २ लाख ८६ हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यसअघि आइतबार सुन प्रतितोला ३ लाख रुपैयाँमा कारोबार भएको थियो।

लगातार बढ्दै गएको मूल्यपछि आज आएको गिरावटलाई बजारको सामान्य करेक्सनका रूपमा हेरिएको छ।

सुनसँगै चाँदीको मूल्य पनि आज घटेको छ। महासंघका अनुसार चाँदी आज तोलामा ३ सय रुपैयाँले घटेर प्रतितोला ५ हजार २ सय रुपैयाँमा कारोबार भइरहेको छ। आइतबार चाँदीको मूल्य प्रतितोला ५ हजार ५ सय रुपैयाँ रहेको थियो।

अन्तर्राष्ट्रिय बजारमा सुनचाँदीको मूल्यमा आएको उतारचढाव, अमेरिकी डलरको विनिमय दर तथा विश्वव्यापी भूराजनीतिक परिस्थितिको प्रभाव नेपाली बजारमा देखिएको व्यवसायीहरू बताउँछन्।

सुनको मूल्य घटेसँगै बजारमा खरिद चासो केही बढ्ने अपेक्षा गरिएको छ।