काठमाडौं । इटालीलाई नेपालले १ सय रनको लक्ष्य दिएको छ। 

जारी टी-२० विश्वकपमा मुम्बईको वानखेडे क्रिकेट मैदानमा टस हारेर पहिले ब्याटिङको निम्तो पाएको नेपालले निर्धारित २० ओभरमध्ये १९.३ मा सबै विकेट विकेट गुमाएर १ सय २३ रन जोड्न सफल रह्यो। 

नेपालका लागि आरीफ शेखले २४ बलमा ३ चौका प्रहार गर्दै सर्वाधिक २७ रन बनाए। त्यस्तै, कप्तान रोहित कुमार पौडेलले २३, आसिफ शेखले २० र उपकप्तान दिपेन्द्र सिंह ऐरीले १७ रन जोड्न सफल रहे। 

आठौ नम्बरमा ब्याटिङ गर्न आएका करन केसीले नेपालका लागि १८ रन बनाए।  

नेपाललाई १ सय २३ रनको निम्न योगफलमा समेट्न इटालीको लागि क्रिशन कलुगामागेले किफायती बलिङ गर्दै ४ ओभरमा मात्रै १८ रन खर्चेर ३ विकेट लिए।  त्यस्तै, बेन मानेन्तीले पनि निकै किफायती बलिङ गरे।  उनले ४ ओभरमा मात्रै ९ रन खर्चेर २ विकेट लिन सफल भए। 

अली हसन, जसप्रीत सिंह र जेजे स्मुट्सले इटालीका लागि समान १/१ विकेट लिए।