सुर्खेत। कर्णाली प्रदेश सरकारले जाजरकोट र रुकुम पश्चिमका स्वास्थ्य संस्था, विद्यालय निर्माण गर्ने भएको छ ।

विसं २०८० कात्तिक १७ मा जाजरकोटको रामीडाडाँ केन्द्रविन्दु भएर गएको भूकम्पबाट भत्किएका विद्यालय, स्वास्थ्य संरचना निर्माण गर्नका लागिएको छ । भौतिक पूर्वाधार तथा सहरी विकास मन्त्रालयले पाँच वटा स्वास्थ्यचौकीको छनोट गरेर निर्माणका लागि अख्तियारीसमेत पठाइएको जनाएको छ ।

मन्त्रालयका प्रवक्ता रमेश सुवेदीका अनुसार १४ वटा विद्यालय छनोट गरेर निर्माणका लागि पूर्वाधार विकास कार्यालयलाई अख्तियारी पठाएको छ । त्रिवेणी गाउँपालिकामा, चौरजहारी नगरपालिकामा र आठबीसकोट नगरपालिकामा एक÷एक तथा बाँफीकोट गाउँपालिकामा दुई स्वास्थ्य संस्था निर्माण हुने भएका छन् । यसैगरी मुसिकोट नगरपालिका र चौरजहारीमा दुई÷दुई विद्यालय, सानी भेरीमा र त्रिवेणी गाउँपालिकामा तीन तथा आठबीसकोटमा पाँच विद्यालय निर्माण गर्न अख्तियारी प्रदान गरिएको प्रवक्ता सुवेदीले जानकारी दिनुभयो ।

यस्तै, जाजरकोटमा २१ विद्यालय र पाँच वटा स्वास्थ्य संस्था, बारेकोटमा चार विद्यालय र दुई स्वास्थ्य संस्था निर्माण हुनेछन् । यसैगरी नलगाडमा तीन र भेरीमा दुई विद्यालय एवं एक स्वास्थ्य संस्था निर्माण हुनेछ । छेडागाड नगरपालिकामा तीन विद्यालय, एक स्वास्थ्य संस्था, कुशे गाउँपालिकामा दुई विद्यालय, एक स्वास्थ्य संस्था निर्माण गरिने जनाइएको छ ।

शिवालय गाउँपालिकामा दुई विद्यालय र जुनिचाँदेमा पाँच विद्यालय निर्माण गरिएने प्रवक्ता सुवेदीले बताउनुभयो ।