काठमाडौं । काठमाडौंको बुढानीलकण्ठदेखि ललितपुरको गोदावरीसम्म साइकल लेन बनाउने काठमाडौँ उपत्यका मेयर्स फोरमले गरेको छ ।

यो निर्णय काठमाडौं उपत्यकालाई स्मार्ट सिटी बनाउने लक्ष्यसँग सम्बन्धित छ । अन्तरपालिका जोड्नेगरी साइकल लेन निर्माण गर्ने निर्णय भएको मेयर्स फोरमका अध्यक्ष एवम् ललितपुर महानगरपालिकाका प्रमुख चिरिबाबु महर्जनले बताए ।

उनका अनुसार बुढानीलकण्ठको शिवपुरी डाँडादेखि काठमाडौँ र ललितपुर महानगर हुँदै गोदावरीको बोटानिकल गार्डेनसम्मको ‘रुट’ साइकल लेनका लागि तय गरिएको छ ।

बैठकपछि पत्रकारहरूसँग कुरा गर्दै अध्यक्ष महर्जनले भने, ‘सो–केस प्रोजेक्ट’का रूपमा अघि बढाउन गुरुयोजना तयार पार्ने निर्णय भएको छ ।’

बैठकले काठमाडौँ उपत्यकाको ट्राफिक जाम र कनेक्टिभिटीको समस्या समाधान गर्न ‘मास ट्रान्सपोर्टेसन’ अनिवार्य हेको निष्कर्षसमेत निकालेको छ ।