जलेश्वर । महोत्तरीको निर्वाचन क्षेत्र नम्बर–३ का स्वतन्त्र उमेदवार रामआधार कापरमाथि बुधबार (फागुन २०) राति कुटपिट भएको छ ।

जलेश्वर नगरपालिका–७ मा अज्ञात समूहले उनीमाथि निर्घात कुटपिट गरेको जिल्ला प्रहरी कार्यालयका एसपी हेरम्ब शर्माले जानकारी दिए ।

स्वतन्त्र उमेदवार कापरको छाती, पिठ्युँ तथा शरीरका विभिन्न भागमा चोट लागेको छ । जनकपुरमा उनको उपचार भइरहेको छ ।

आक्रमणमा परेपछि उनले सहयोगका निम्ति प्रहरी प्रशासनमा खबर गरेका थिए । त्यसपछि आफूहरूले तत्काल उनलाई उद्धार गरी अस्पताल पठाएको एसपी शर्माले बताए ।

घटनास्थलमा प्रहरी पुगेपछि भागेका आक्रमणकारीको खोजी जारी छ ।