काठमाडौं । ओखलढुङ्गाको मानेभञ्ज्याङ गाउँपालिका-७ का मतदाताहरुले  मतदान गर्न अस्वीकार गरेका छन्।

त्यहाँका प्रमुख जिल्ला अधिकारी मेखबहादुर मग्रान्तीका अनुसार उनीहरुले प्रादेशिक अस्पताल निर्माणको माग सम्बोधन नभएको भन्दै मतदान गर्न सामूहिकरुपमा अस्वीकार गरेका हुन् ।

त्यहाँ ७०१ जना मतदाता छन् । तर अहिलेसम्म कसैले पनि मत खसालेका छैनन् ।

त्यहाँका  स्थानीयले पहिले नै प्रदेश सरकारलाई अस्पताल बनाउने प्रयोजनका लागि १६५ रोपनीभन्दा बढी जग्गा उपलब्ध गराएका थिए। यद्यपि अस्पताल निर्माण प्रक्रिया सुरु नभएपछि उनीहरु रुष्ट थिए ।