काठमाडौं । नेकपा एमालेका अध्यक्ष केपी शर्मा ओली उम्मेदवार बनेको झापा–५ का मतदाताहरूले खुलेरै ‘सूर्य चिह्न’मा मतदान गरेका बताएका छन् ।

‘सूर्य चिह्न’ एमालेको चुनाव चिह्न हो । कुनैबेला झापा–५ मा सडक पूर्वाधार नभएकोदेखि विकासमा धेरै पछाडि परेकोमा ओलीकै कारण विकासले कोल्टे फेरको भन्दै मतदाताहरूले मतदानपछि सूर्य चिह्नमा मतदान गरेर ओलीलाई जिताउन चाहेको बताएका छन् ।

विकास र समृद्धिमा ओलीको देन उल्लेखनीय रहेको भन्दै उनीहरूले यसपटक ओलीको विकल्प खोज्न नचाहेको स्पष्ट पारे ।

ओलीसँग प्रतिस्पर्धामा राष्ट्रिय स्वतन्त्र पार्टीबाट बालेन्द्र शाह (बालेन), नेपाली कम्युनिस्ट पार्टी (नेकपा)बाट रञ्जि तामाङ, कांग्रेसबाट मन्दरा चिमरिया, श्रम संस्कृति पार्टीबाट समीर तामाङ चुनावी प्रतिस्पर्धामा छन् ।