काठमाडौं । नेपाली काङ्‍ग्रेसका नेता मीन विश्वकर्माले नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले रुकुम पूर्वमा माेबाइल कमजाेर भएर मात्रै जितेकाे बताएका छन् ।

नभए उनी हार्ने थाहा पाइएकाे बताए । सहरतिर चुनाव लडेकाे भए ‘प्रचण्ड’ हार्ने उनकाे भनाइ छ ।

‘रुकुम नपुगेकाे भए प्रचण्डजीकाे पनि उस्तै हुने रहेछ, सहरतिर लडेकाे भए । धन्‍न माेबाइल कमजाेर भएर प्रचण्डजीले जितेकाे थाहा पाइहालियाे,’ उनले काठमाडौं आयाेजित कार्यक्रममा भने ।

उनले पार्टी सभापति गगनकुमार थापालाई हराउन लागेकाे भन्‍ने आराेपलाई इन्कार गरे ।

‘अब यस्ताेगरी हारेकाे हुनाले कसैले कसैलाई हराएकाे हाेइन । समयले हामी आफैँलाई हरायाे,’ उनले भने, ‘ल गगनजीलाई त हराइएछ, ओलीजीलाई कसले हराएकाे ?’