काठमाडौं। नेपाली कांग्रेसको आज बसेको बैठकले उपसभापति विश्व प्रकाश शर्माद्वारा प्रस्ताव गरिएको सभापति गगनकुमार थापाको राजीनामा अस्वीकृत गर्ने प्रस्ताव पारित गरेक‍ो छ।

नेपाली कांग्रेसका प्रवक्ता देवराज चालिसका अनुसार अधिकांश केन्द्रीय सदस्यहरुले पार्टी सभापतिको राजीनामाको विपक्षमा मत राखेका छन्। 

‘अधिकांश केन्द्रीय सदस्यहरुले सभापतिको राजीनामा अस्वीकृत गर्ने प्रस्तावमा सहमति जनाईसकेका छन्, अब औपचारिक निर्णय गर्न मात्रै बाँकि हो’ प्रवक्ता चालिसेले नेपालवन एचडीसँग बताए।  

अब अघिल्लो बैठक पर्सि बिहान ८ बजे फेरि बस्नेछ । उक्त बैठक सभापति थापाकै अध्यक्षतामा बस्ने नेताहरूले जानकारी दिएका छन् ।

चुनावी पराजयका कारण नैतिकताका आधारमा सभापति थापाले राजीनामा दिएका थिए । उनी आजको बैठकमा उपस्थित भएनन् । उपसभापति विश्वप्रकाश शर्माले सभापति थापाको राजीनामा अस्वीकृत गर्ने प्रस्ताव पेस गरेका थिए । 

बैठकमा शर्माले उक्त प्रस्ताव पेस गर्दा हलले ताली बजाएर समर्थन गरेको थियो ।