काठमाडौं। माैसम पूर्वानुमान महाशाखाले बितेका २४ घण्टामा देशका अधिकांश भूभागमा मेघगर्जन/चट्याङ, असिना तथा हुरीबतासहित वर्षा भएको जनाएको छ।

महाशाखाका अनुसार हाल लुम्बिनी, गण्डकी, बागमती, मधेस र कोसी प्रदेशका विभिन्‍न स्थानमा वर्षा भइरहेको छ।

महाशाखाले आमनागरिकलाई सचेत गराउँदै यो  माैसमी प्रणाली क्रमश: पूर्वतिर सर्ने क्रममा छ र उक्त प्रणाली आज बेलुकादेखि क्रमिक रूपमा कमजोर हुँदै जाने सम्भावना रहेकाे जानकारी दिएकाे छ ।

शुक्रबारदेखि  सक्रिय पश्चिमी न्यून चापीय प्रणालीका कारण बितेका २४ घण्टामा देशकाे ठाउँठाउँमा मेघगर्जन/चट्याङ, असिना तथा हुरीबतासहित वर्षा भइरहेकाे छ ।