काठमाडौं । राष्ट्रपति रामचन्द्र पाैडेलसँग पद तथा गाेपनीयताकाे शपथ ग्रहणपछि प्रतिनिधिसभाका ज्येष्ठ सदस्य अर्जुननरसिंह केसीले संसद् सचिवालय पुगेर पदभार ग्रहण गरेका छन् ।

केसीले बिहीबार भावी प्रधानमन्त्री बालेन्द्र साहसहित प्रतिनिधि सभाका २७४ सदस्यहरुलाई सपथ ग्रहण गराउने छन् । ७८ वर्षे केसी गत फागुन २१ गते सम्पन्न प्रतिनिधिसभा सदस्य निर्वाचनमा नेपाली कांग्रेसबाट समानुपातिक निर्वाचन प्रणालीमार्फत निर्वाचित भएका थिए ।

उनले सभामुख निर्वाचित नहुँदासम्म प्रतिनिधि सभा बैठकको अध्यक्षता समेत गर्नेछन् ।

केसीले पदभार ग्रहण गरेपछि संसद् बैठक निष्पक्ष र तटस्थ भएर सञ्चालन गर्ने बताएका छन् । उनले कोही कसैको दुष्मन नभएको भन्दै निर्वाचनबाट प्राप्त जनादेशको रक्षा गर्दै देशलाई समृद्ध बनाउने नै कर्तव्य भएको बताए ।

प्रतिनिधिसभा निर्वाचनमा प्रत्यक्ष निर्वाचन प्रणालीबाट एक सय ६५ र समानुपातिक निर्वाचन प्रणालीबाट एक सय १० जना निर्वाचित भएका छन् ।