काठमाडौं । नेपाली कांग्रेसका सभापति गगन थापाले निवर्तमान सभापति शेरबहादुर देउवालाई लक्षित गर्दै ‘धेरै किचकिच’ नगर्न चेतावनी दिएका छन् ।

उनले सीमाभन्दा बाहिर गएर अति गरे सहन नसकिने बताए । आफ्नो लचकता र विनम्रतालाई कमजोर नठान्नु भन्दै थापाले कारबाही गर्नेतर्फ संकेत गरेका छन् ।

पार्टीका सबै पक्षलाई मिलाएर लानुपर्ने आफ्नो दायित्व भएको तर पार्टी अनुशासनबाहिर गएर स्वीकार्न नसकिने स्पष्ट पारे ।

पार्टीको अधिवेशन सम्पन्न गर्नुपर्ने, प्रतिपक्षीको जिम्मेवारी सम्हाल्नुपर्ने र नयाँ निर्वाचनको लागि पार्टीलाई तयार गर्नुपर्ने भन्दै थापाले सक्नेलाई सहयोग गर्न, नसक्नेलाई डिस्टर्ब नगर्न पनि चेतावनी दिए ।