काठमाडौं। एनसेल र हिमालयन जाभा कफीबीचको सहकार्यमा नयाँ वर्ष २०८३ देखि विशेष अफर सुरु गरिएको छ। यस अफरअन्तर्गत एनसेलका ग्राहकहरूले देशभर रहेका हिमालयन जाभाका आउटलेटहरूमा प्रिमियम कफी, पेय पदार्थ र खानेकुरामा आकर्षक छुट पाउनेछन्।

हालै सम्पन्न साझेदारी सम्झौताअनुसार, ४९९ रुपैयाँ वा सोभन्दा माथिको योग्य प्याक प्रयोग गर्ने ग्राहकहरूले एक कप कफी खरिद गर्दा अर्को कप निःशुल्क पाउनेछन्। साथै तेस्रो कप खरिद गर्दा ३० प्रतिशत छुट पनि उपलब्ध हुनेछ।

त्यसैगरी, २५ वर्ष वा सोभन्दा कम उमेरका युवा तथा एनसेल प्रयोग गर्ने पर्यटकहरूले ९९ रुपैयाँ वा सोभन्दा माथिको योग्य प्याक प्रयोग गर्दा सबै प्रकारका खानेकुरा र पेय पदार्थमा २० प्रतिशत छुट पाउनेछन्। अन्य ग्राहकहरूले पनि ९९ रुपैयाँ वा सोभन्दा माथिको प्याक वा रेन्टल प्लान प्रयोग गर्दा १० प्रतिशतसम्म छुट लिन सक्नेछन्।

एनसेलका प्रमुख कार्यकारी अधिकृत माइकल फोलेले यो सहकार्यले ग्राहकहरूलाई दैनिकीबाट केही समय निकालेर आपसी सम्बन्धलाई अझ प्रगाढ बनाउने अवसर दिने विश्वास व्यक्त गरेका छन्। उनका अनुसार यस्तो अफरले कफीको अनुभवलाई अझ अर्थपूर्ण बनाउनेछ।

त्यस्तै, हिमालयन जाभा कफीका संस्थापक आनन्द गुरुङले पनि यस सहकार्यमार्फत देशभरका कफी पारखीहरूका लागि आकर्षक अफर ल्याउन पाउँदा खुशी व्यक्त गरेका छन्।

यो अफर उपयोग गर्न कुनै जटिल प्रक्रिया आवश्यक छैन। ग्राहकले एनसेल एपको ‘पार्टनर्ड सर्भिसेस’ सेक्सनमा गएर ‘हिमालयन जाभा कफी’ चयन गरी आफ्नो योग्यता जाँच गर्न सक्छन्। अर्डर गर्ने बेला एनसेल एपको ‘लाइभ’ स्क्रिन देखाउनुपर्ने हुन्छ भने स्क्रिनसट मान्य हुने छैन।

एउटा बिलमा एउटा मात्र छुट लागू हुनेछ र ग्राहकको योग्यताअनुसार उपलब्ध सबैभन्दा बढी छुट स्वतः लागू हुनेछ। प्याक सक्रिय रहेको अवधिभर ग्राहकहरूले यो अफर बारम्बार प्रयोग गर्न सक्नेछन्।

यस सहकार्यले ग्राहकहरूलाई आफ्नो विद्यमान प्लानमा कुनै परिवर्तन नगरी थप सुविधा उपलब्ध गराएको छ। थप जानकारी एनसेलको वेबसाइट वा मोबाइल एपमार्फत प्राप्त गर्न सकिनेछ।