काठमाडौं । पानी परेपछि कीर्तिपुरस्थित त्रिवि क्रिकेट मैदानमा जारी नेपाल र युएईबीच जारी टी–२० खेल बीचमै रोकिएको छ। १९औं ओभर चलिरहेका बेला वर्षा सुरु भएपछि खेल रोक्नुपर्ने अवस्था आएको हो।

टस जितेर पहिले ब्याटिङ गरेको नेपालले १८ ओभर ५ बलमा ८ विकेटको क्षतिमा १२२ रन जोडेको थियो। कप्तान दीपेन्द्रसिंह ऐरीको नेतृत्वमा मैदान उत्रिएको नेपाली टोलीले मध्यम सुरुवातलाई अन्त्यतिर सम्हाल्ने प्रयास गरे पनि लगातार विकेट गुमाएको थियो।