काठमाडौं।  सरकारको विधार्थी संगठन खारेज गर्ने निर्णयका विरुद्द संयुक्त विधार्थी संगठन र स्वतन्त्र विधार्थी युनियन रत्न राज्यलाक्क्ष्मी क्याम्पस (आरआर) ले प्रदर्शनी मार्गमा राँके जुलुस निकालेका छन्। 

प्रधानमन्त्री बालेन्द्र शाह(बालेन) ले सरकारको विधार्थी संगठन खारेज गर्ने निर्णयका विरुद्ध उनीहरुले संयुक्त प्रदर्शन गरेका हुन्। 

विधार्थी आन्दोलन जिन्दावाद, विधार्थी संगठन खारेज गर्न पाइदैन जस्ता नारासहित जुलुस निकालेका उनीहरुले सरकारले आफ्नो निर्णय फिर्ता नलिए आन्दोलन झनै चर्काउने चेतावनी दिए। 

आर-आर स्ववियु सभापति लोकेश कुमार खड्काले बन्धुकधारीहरुलाई हेल्मेट हालेर विश्वविद्यालयको गेटमा गेटमा पठाएर विचार मार्न खोजेको आरोप लगाए। 

उनले भने, ‘ हामीले प्रगति भन्दा पहिले परिवर्तन चाहेका छौं।  हामी हाम्रो विचार, एकताबद्व हुने अधिकार खोज्न आन्दोलन गर्न निस्केका छौँ।  हामी  तानाशाहीविरुद्व लाधिरहने छौँ।’

उनले सरकारलाई लिपुलेक र कालापानीमा जनताले सास्ती भोगिरहेको भन्दै त्यस ठाउँमा बर्दीधारी  पठाउन चुनौती समेत दिए। 

उनले सम्पूर्ण  विद्यार्थी साथीधरुलाई न्यायकालागि आवाज उठाउन समेत समेत गरे।  उनले भने , ‘ तपाईहरु आफ्नो अधिकारकालागि आवाज उठाउन नडराउनु। तपाईले उठाउँदा कसैले हस्तक्षेप गर्न पाउँदैन। म तपाईहरुको साथमा छु।  आफ्नो अधिकारको लागि आवाज उठाउँदा मर्न परेपनि तयार छु।  छातीमा गोली खान तयार छु’ 

कार्यक्रममा अखिल क्रान्तिकारीका  केन्द्रिय सचिव  शिशिर बस्याल र नेवि संघका नेता अनुराग शाह लगायतको सहभागिता रहेको थियो।