काठमाडौं । नेपाली कांग्रेसको संसदीय दलको नेतामा भीष्मराज आङ्देम्बे सर्वसम्मत रूपमा चयन हुने भएका छन्।

दलको नेतृत्व सहमतिमै टुंग्याउन पार्टी केन्द्रीय कार्यसम्पादन समितिको निर्णयअनुसार उपसभापति विश्वप्रकाश शर्माको नेतृत्वमा कार्यदल गठन गरिएको थियो।

गत शुक्रबार (वैशाख ११) गठन भएको उक्त कार्यदलले आङ्देम्बेलाई नै संसदीय दलको नेता बनाउँदा पार्टी एकताको सन्देश जाने निष्कर्ष निकालेको हो।

कार्यदलमा रहेका एक पदाधिकारीका अनुसार आङ्देम्बेको नाममा सहमति जुटिसकेको छ र औपचारिक घोषणा हुन मात्र बाँकी रहेको छ।