काठमाण्डु। आईसीसी विश्वकप लिग-२ अन्तर्गत आजको खेलमा ओमानले नेपाललाई ३०६ रनको विशाल लक्ष्य प्रस्तुत गरेको छ।

कीर्तिपुरस्थित टियु मैदानमा टस जितेर पहिले ब्याटिङ गरेको ओमानले ५० ओभर पूरा गर्दै ८ विकेटको क्षतिमा ३०५ रन जोड्यो।

ओमानका लागि जतिन्द्र सिंह उत्कृष्ट प्रदर्शन गर्दै ९६ बलमा १३० रनको शानदार शतकीय इनिङ खेले। त्यस्तै आशिष ओडेपराले २३ रन, हम्मद मिर्जाले ३० रन, आर्यन विष्टले ३५ रन, जितेनकुमार रामानन्दीले ४३ रन र विनायक शुक्लाले २३ रनको योगदान दिए।

बलिङतर्फ नेपालका सोमपाल कामी सर्वाधिक सफल रहे, उनले ४ विकेट लिए। सन्दिप लामिछाने र दिपेन्द्र ऐरीले समान २–२ विकेट हात पारे।