जेनेभा। मध्यपूर्व युद्धको प्रभावले ढुवानी दरमा वृद्धि हुँदा यसले अफ्रिका लगायतका व्यापक क्षेत्रका शरणार्थीहरूलाई सहायता वितरणमा असर गरेको संयुक्त राष्ट्रसङ्घ शरणार्थी निकाय (युएनएचसीआर) ले शुक्रबार जानकारी गराएको छ ।युएनएचसीआरका तीन मुख्य स्रोत देशहरू भारत, पाकिस्तान र चीनबाट आपतकालीन आपूर्तिको ढुवानी दरमा करिब १८ प्रतिशतले वृद्धि भएको र बन्दरगाह भएको भीडले आपूर्तिमा ढिलाइ र प्रभाव पारिरहेको संयुक्त राष्ट्रसङ्घीय यस निकायले जनाएको छ ।

इन्धनमा खर्च गरिएको प्रत्येक अतिरिक्त डलर र उच्च युद्धको जोखिमका लागि ढुवानीका लागि बीमा प्रिमियमका लागि यस क्षेत्रमा बढेको खर्चले ढुवानी दरलाई प्रभावित पारिरहेको यूएनएचसीआरले जनाएको छ ।

“मध्यपूर्व सङ्कटले विश्वव्यापी मानवीय आपूर्ति श्रृङ्खला र सहायता वितरणमा यस क्षेत्रभन्दा बाहिर दूरगामी प्रभाव पारेको छ,” प्रवक्ता कार्लोटा वुल्फले जेनेभामा एक पत्रकार सम्मेलनमा भन्नुभयो ।युएनएचसीआरका सामान्य यातायात प्रदायकहरूको अनुरोधको जवाफ दिने क्षमता वर्षको सुरूमा ९७ प्रतिशतबाट ७७ प्रतिशतमा झरेको र ढुवानी दरहरूमा वृद्धि भएको छ ।

युएनएचसीआरले सामानलाई पुनः अर्को मार्ग बनाएर पठाएको छ । यसले जोर्डनको अकाबा रेड सी बन्दरगाह हुँदै समुद्री र दुबईबाट अरब प्रायद्वीप र टर्कीए पार गर्ने ट्रक मार्गसहित स्थलमार्गहरूको प्रयोग सुरू गरेको छ।

“केही ढुवानीहरूको खास गरी दुबईमा यूएनएचसीआरको विश्वव्यापी भण्डारबाट हाम्रो सुडान र चाडका लागि अभियानमा राहत सामग्रीहरूको लागि यातायात लागत दोब्बर भन्दा बढी भएको छ र यो लागत नौ लाख २७ हजार अमेरिकी डलरबाट बढेर १८ लाख ७० हजार पुगेको छ,” वुल्फले भन्नुभयो ।

यसै बर्षको फेब्रुअरी २८ मा अमेरिका र इजरायलले इरानमाथि आक्रमण गरेपछि मध्यपूर्व युद्ध सुरु भएको थियो । तेहरानले खाडीमा पूर्वाधारमा आक्रमण गरेर र स्ट्रेट अफ हर्मुजमा अवरोध गरेर प्रतिकार गर्दा प्रवाहमा विश्वव्यापी प्रभाव बढेको छ।

हर्मुज जलडमरूमार्फत हुने यातायातमा प्रतिबन्धले विश्व अर्थव्यवस्थाबाट ठूलो मात्रामा तेल, ग्यास र मलको निर्यात श्रृङ्खलालाई विच्छेद गरेको छ भने बदलामा संयुक्त राज्य अमेरिकाले इरानी बन्दरगाहहरूमा नाकाबन्दी लगाएको छ।

वुल्फले भन्नुभयो, “अफ्रिकामा यो प्रभाव विशेष गरी चिन्ताजनक देखिएको छ ।” यूएनएचसीआरको विश्वव्यापी सात भण्डार रहेकोमध्ये एक केन्यामा इन्धनको मूल्य वृद्धिका कारण इथियोपिया, प्रजातान्त्रिक गणतन्त्र कङ्गो र दक्षिण सुडानमा ट्रकको उपलब्धता घटाएको र ढुवानीमा ढिलाइ भएको छ ।“हालैका महिनाहरूमा सुडानमा सहायता वितरणको लागत दोब्बर भएको छ,” उहाँले भन्नुभयो । ‘केप अफ गुड होप’ वरपरको ढुवानीको पुनः मार्गीकरणले आपूर्ति समयमा २५ दिन थपिएको उहाँले बताउनुभयो ।

“यदि मध्यपूर्वमा अस्थिरता कायम रह्यो भने बढ्दो लागत, ढिलाइ र सीमित यातायात क्षमताले मानवीय सञ्चालनलाई थप बाधा पुर्याउने सम्भावना छ,” वुल्फले भन्नुभयो ।

“लामो समयसम्म अवरोधले आवश्यकतामा परेका व्यक्तिहरूसम्म सहायता पुग्न सक्ने मात्रा र गतिलाई कम गर्ने जोखिम छ, जसले विश्वव्यापी रूपमा लाखौं शरणार्थी र विस्थापित व्यक्तिहरूको लागि गम्भीर परिणामहरू निम्त्याउँछ,” उहाँले भन्नुभयो ।लामो अवधिपछि हाललाई विश्वव्यापी भण्डार राम्रो छ तर युएनएचसीआरले पुनः भण्डारण गर्न कति महँगो हुनेछ भनेर चिन्ता देखाएको छ ।युएनएचसीआरलाई यस वर्ष यसको सञ्चालनका लागि ८.५ अर्ब डलर आवश्यक छ, जसमध्ये अहिलेसम्म २३ प्रतिशत मात्र वित्त पोषित छ।