एजेन्सी। अमेरिकास्थित चिनियाँ दूतावासले चीन–अमेरिका सम्बन्धका संवेदनशील विषयहरूमा आफ्नो अडान पुनः दोहोर्याउँदै चारवटा ‘लक्ष्मणरेखा’ ननाघ्न चेतावनी दिएको छ ।

मे १३ देखि १५ सम्म अमेरिकी राष्ट्रपति डोनल्ड ट्रम्पको चीन भ्रमण हुने तयारीका बीच दूतावासले सामाजिक सञ्जाल एक्समार्फत यस्तो धारणा सार्वजनिक गरेको हो ।

दूतावासले ‘चीन–अमेरिका सम्बन्धका चारवटा लक्ष्मणरेखा चुनौती दिनु हुँदैन’ भन्दै ताइवान मुद्दा, लोकतन्त्र र मानवअधिकार, चीनको राजनीतिक प्रणाली तथा विकासको अधिकारलाई संवेदनशील सीमा (रेखा) का रूपमा उल्लेख गरेको छ ।

चिनियाँ पक्षले यी चार विषयमा बाह्य हस्तक्षेप स्वीकार्य नहुने स्पष्ट संकेत दिएको बताइएको छ ।