काठमाडौं । प्रतिनिधिसभा बैठकमा व्यक्त विवादास्पद अभिव्यक्ति संसदीय रेकर्डबाट हटाउन सभामुखले निर्देशन दिएका छन् ।

सभामुख डोलप्रसाद अर्याल ले नेकपा (एमाले) का संसदीय दलका नेता रामबहादुर थापा ले दिएको भनिएको असंसदीय अभिव्यक्ति संसद् रेकर्डबाट हटाउन सङ्घीय संसद् सचिवालयलाई निर्देशन दिएका हुन् ।

प्रतिनिधिसभाको आजको बैठकमा राष्ट्रिय स्वतन्त्र पार्टीका सांसद मनिष खनाल ले नेता थापाको अभिव्यक्ति असंसदीय भएको भन्दै रेकर्डबाट हटाउन माग गरेका थिए । त्यसपछि सभामुख अर्यालले नियमावलीअनुसार उक्त शब्द हटाउन निर्देशन दिएका हुन् ।

यसैबीच, सांसद खनालले धारणा राखेपछि एमाले सांसद ऐन महर ले विरोध जनाएका थिए ।