काठमाडौं । नेपाली क्रिकेट टोलीका ओपनर कुशल भुर्तेलले मलेसियाविरुद्ध विस्फोटक ब्याटिङ गर्दै शतक प्रहार गरेका छन्।

२०औँ एसियाली खेलकुदअन्तर्गत भएको खेलमा भुर्तेलले केवल ४४ बलमा अविजित १०० रन बनाउँदै विपक्षी बलरमाथि पूर्ण रूपमा दबाब सिर्जना गरे। उनको इनिङ्समा १० चौका र ७ छक्का समावेश थिए।

भुर्तेलले २२७.२ को उत्कृष्ट स्ट्राइक रेटमा रन बटुल्दै नेपाली इनिङ्सलाई आक्रामक सुरुआत दिलाएका थिए।

ताजा स्थितिमा नेपालले १४ दशमलव ५ ओभरमा २ विकेटकाे क्षतिमा २ सय ८ रन बनाएर ब्याटिङ गरिरहेकाे छ ।