काठमाडौं । आगामी फुटबल विश्वकपलाई लक्षित गर्दै इलेक्ट्रोनिक्स ब्रान्ड टीसीएलले नेपाली ग्राहकका लागि विशेष उपहार योजना सार्वजनिक गरेको छ।

नेपालका लागि टीसीएलको आधिकारिक वितरक सीजी इलेक्ट्रोनिक्सले ‘आर यू रेडी फर ग्रेटनेस’ नामक अभियान सञ्चालनमा ल्याएको जनाएको छ। अभियानअन्तर्गत ग्राहकलाई आकर्षक क्यासब्याक, विस्तारित वारेन्टी तथा सहज किस्ताबन्दी (ईएमआई) सुविधा प्रदान गरिने कम्पनीले जनाएको छ।

कम्पनीका अनुसार टीसीएल टेलिभिजन खरिद गर्ने ग्राहकले अधिकतम दुई लाख रुपैयाँसम्म क्यासब्याक प्राप्त गर्न सक्नेछन्। साथै, विश्वकपको अवसर पारेर चार वर्षसम्मको विशेष वारेन्टी सुविधा पनि उपलब्ध गराइएको छ।

ग्राहकको आर्थिक सहजतालाई ध्यानमा राख्दै नागरिकताको आधारमा मात्र सहज ईएमआई सुविधा उपलब्ध गराइएको कम्पनीले जनाएको छ।

सीजी इलेक्ट्रोनिक्सका अनुसार यो योजना जेठ २१ गतेदेखि साउन ३ गतेसम्म देशभर रहेका आधिकारिक सीजी इलेक्ट्रोनिक्स शोरुम तथा अधिकृत डिलरमार्फत लागू हुनेछ।

कम्पनीले विश्वकपको उत्साहलाई अझ रोमाञ्चक बनाउने उद्देश्यले यो विशेष अभियान सञ्चालन गरिएको जनाएको छ।