काठमाडौं। प्रधानमन्त्री बालेन शाहको अध्यक्षतामा मन्त्रिपरिषद्को बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा सुरु भएको छ।

बैठकमा समसामयिक राजनीतिक, प्रशासनिक तथा सरकारी नीतिगत विषयमा छलफल हुने बताइएको छ। विशेषगरी निजी शिक्षा र स्वास्थ्य क्षेत्रमा लगाइएको ३ प्रतिशत समता शुल्क फिर्ता लिने विषयमा सरकारले औपचारिक निर्णय गर्ने अपेक्षा गरिएको छ।

प्रधानमन्त्री शाहले यसअघि सामाजिक सञ्जालमार्फत शिक्षा र स्वास्थ्य समता शुल्क तत्काल लागू नगर्ने घोषणा गरेका थिए। उक्त घोषणालाई कानुनी प्रक्रियामार्फत कार्यान्वयन गर्ने विषयमा मन्त्रिपरिषद्ले निर्णय गर्ने तयारी गरेको जनाइएको छ।

यसका साथै विभिन्न मन्त्रालयबाट आएका प्रस्ताव, नियुक्ति तथा अन्य समसामयिक विषयमा पनि बैठकमा छलफल हुने बताइएको छ।