काठमाडौं। अनसन मास्टर भनेर चिनिने गोविन्द केसीले फेरी अनसन सुरु गरेका छन्। यसअघि २३ पटकसम्म अनसन बसिसकेका उनको यो २४ औँ अनसन हो। मेडिकल क्षेत्रको सुधारको माग गर्दै अनसन बस्ने उनीमाथि नेपालका विभिन्न ठाउँमा संचालन हुन लागेका चिकित्सा शिक्षा विधालय बन्द गर्न भूमिका खेलेको आरोप पनि लाग्दै आएको छ।  कतिपयले उनको अनसनलाई परिचालित अनसन पनि भन्ने गरेका छन्। 

सरकारले आफ्ना माग सम्बोधन नगरेको भन्दै केसीले बिहीबार (साउन ६) देखि धनगढीमा आमरण अनसन सुरु गर्ने भएका छन्।

बुधबार साँझ दार्चुलाबाट धनगढी पुगेका केसी एलएनचोकस्थित कृष्ण मन्दिरको धर्मशालामा बसेका छन्। उनका तर्फबाट विजयबाबु शिवाकोटीले ५ बुँदे माग सार्वजनिक गर्दै सरकारले साउन ५ सम्म दिएको समयसीमासमेत बेवास्ता गरेको आरोप लगाएका छन्।

सरकारले माग सम्बोधन नगरेपछि केसीले यसपटकको अनसन सुदूरपश्चिमको धनगढीबाट सुरु गर्ने निर्णय गरेका हुन्।