काठमाडौं। प्रधानमन्त्री वालेन्द्र शाह (बालेन) र प्रधानसेनापति अशोकराज सिग्देलबीच भेटवार्ता सुरु भएको छ।

प्रधानमन्त्री तथा मन्त्रिपरिषद्को कार्यालय सिंहदरबारमा प्रधानमन्त्री शाह र प्रधानसेनापति सिग्देलबीच भेटवार्ता भइरहेको हो।

प्रधानमन्त्री नियुक्त भएपछि शाह र प्रधानसेनापति सिग्देलबीच यो चौथोपटक भेटवार्ता भएको हो। प्रधानमन्त्री शाहले रक्षामन्त्रीको जिम्मेवारीसमेत सम्हालिरहेका छन्।

प्रधानमन्त्री नियुक्त भएको लामो समय बितिसक्दा पनि शाहले नेपाली सेनाको मुख्यालय जङ्गी अड्डाको औपचारिक भ्रमण भने गरेका छैनन्।

रक्षामन्त्रीको हैसियतमा सुरक्षा तथा समसामयिक विषयमा ब्रिफिङ लिन सैनिक मुख्यालय आउन निमन्त्रणा गरिए पनि उनी अहिलेसम्म जङ्गी अड्डा पुगेका छैनन्।