काठमाडौं। प्रधानमन्त्रीको अध्यक्षतामा आज मन्त्रिपरिषद्को नियमित बैठक बस्न लागेको छ। बैठक बिहान ११ः३० बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा आयोजना हुने प्रधानमन्त्रीको सचिवालयले जनाएको छ।

बैठकमा समसामयिक राजनीतिक, प्रशासनिक तथा विकास निर्माणसँग सम्बन्धित विभिन्न विषयमा छलफल हुने अपेक्षा गरिएको छ। विभिन्न मन्त्रालयबाट प्राप्त भएका प्रस्तावहरू, नीति–निर्णय, प्रशासनिक नियुक्ति, कर्मचारी सरुवा, कानुन तथा कार्यविधिसम्बन्धी विषयहरू पनि बैठकको कार्यसूचीमा समावेश हुन सक्ने जनाइएको छ।

यसका साथै सरकारले अघि बढाइरहेका विकास आयोजना, सेवा प्रवाहलाई प्रभावकारी बनाउने उपाय, आर्थिक तथा सामाजिक क्षेत्रसँग सम्बन्धित विषय, विभिन्न मन्त्रालयका प्रगतिका विवरण तथा आवश्यक निर्णयबारे पनि मन्त्रिपरिषद्ले समीक्षा गर्ने सम्भावना रहेको छ।