काठमाडौं। नेपाल भ्रमणमा रहेका भारतीय स्थल सेनापति धिरज सेठले आज प्रधानमन्त्री वालेन्द्र शाहसँग भेटवार्ता गर्ने भएका छन्।

प्रधानमन्त्री शाह र सेनापति सेठबीच दिउँसो साढे २ बजे सिंहदरबारमा भेटवार्ता हुने कार्यक्रम रहेको छ।

सेठ आइतबार नेपाल आएका हुन्। नेपाल भ्रमणका क्रममा सोमबार राष्ट्रपति रामचन्द्र पौडेलले उनलाई नेपाली सेनाको मानार्थ प्रधानसेनापतिको दर्ज्यानी चिह्न प्रदान गरेका थिए।

त्यसपछि भारतीय स्थल सेनापति सेठले जंगी अड्डा पुगेर नेपाली सेनाका प्रधानसेनापति अशोकराज सिग्देलसँग भेटवार्ता गरेका थिए। भेटका क्रममा उनले जंगी अड्डा परिसरमा वृक्षरोपणसमेत गरेका थिए।

प्रधानमन्त्रीसँगको भेटमा नेपाल–भारतबीचको सुरक्षा सहकार्य, दुई देशका सेनाबीचको सम्बन्ध तथा आपसी हितका विषयमा छलफल हुने अपेक्षा गरिएको छ।