टोकियोबाट करिब २८० किलोमिटर दक्षिणमा रहेको हाचिजो टापु नजिक प्रारम्भिक ५.५ म्याग्निच्युडको भूकम्प गएको जापानको मौसम विज्ञान निकायले शुक्रबार बताएको छ । यसको कम्पन जापानको राजधानी टोकियोमा पनि महसुस गरिएको थियो ।

यो भूकम्प स्थानीय समयअनुसार राति करिब ९ बजेर ०२ मिनेट जाँदा करिब ६० किलोमिटर गहिराइमा गएको थियो। भूकम्पीय तीव्रता मापन मियाके टापुमा ७ र मिकुरा टापुमा ३ गरिएको जापानको विज्ञान निकायले बताएको छ।

भूकम्पको केन्द्र ३३.७ डिग्री उत्तर अक्षांश र १४०.५ डिग्री पूर्व देशान्तरमा अवस्थित थियो।

भूकम्पपछि कुनै सुनामी आउन सक्ने चेतावनी जारी गरिएको छैन।