काठमाडौं। सभामुख डोलप्रसाद (डीपी) अर्यालकी सासूआमाको निधन भएपछि सोमबारका लागि बोलाइएको प्रतिनिधिसभाको बैठक स्थगित भएको छ।

संसद् सचिवालयका अनुसार दिउँसो १ बजेका लागि तय भएको बैठक सभामुखको पारिवारिक शोकका कारण स्थगित गरिएको हो। यसअघि पनि सभामुख अर्यालको स्वास्थ्यमा समस्या देखिएको थियो।

अर्याल सोमबार साँझ छातीमा समस्या देखिएपछि महाराजगञ्जस्थित त्रिभुवन विश्वविद्यालय शिक्षण अस्पतालको कार्डियोभास्कुलर तथा ट्रान्सप्लान्ट सेन्टरको सीसीयूमा भर्ना भएका थिए। केही घण्टाको उपचारपछि उनलाई राति नै अस्पतालबाट डिस्चार्ज गरिएको थियो।

पछिल्लो समय सभामुख अर्यालको स्वास्थ्य र पारिवारिक अवस्थाका कारण संसद् बैठकसमेत प्रभावित भएको हो।