काठमाडौं । अमेरिकी राष्ट्रपति डोनाल्ड ट्रम्पले नेपालमा आएको विनाशकारी बाढीबाट प्रभावितलाई सहयोग गर्न अमेरिका तयार रहेको बताएका छन्।

अमेरिकी समाचार संस्था एनबीसी न्यूजका अनुसार बिहीबार ह्वाइट हाउसमा आयोजित एक कार्यक्रममा सञ्चारकर्मीसँग संक्षिप्त कुराकानी गर्दै ट्रम्पले नेपाललाई आवश्यक पर्ने सहयोग उपलब्ध गराउने प्रतिबद्धता जनाएका हुन्।

लेक ओन्टारियोको नाम परिवर्तनसम्बन्धी कार्यकारी आदेशमा हस्ताक्षर गरेपछि पत्रकारहरूसँग प्रतिक्रिया दिँदै ट्रम्पले नेपालमा भोटेकोशी बाढीका कारण भएको क्षतिबारे आफूले जानकारी प्राप्त गरेको बताएका थिए।

नेपालका अधिकारीहरूसँग बाढीबाट भएको क्षति र अवस्थाबारे जानकारी लिएपछि आवश्यक सहयोगका लागि अमेरिका तयार रहेको सन्देश आफूले दिएको ट्रम्पले बताएका छन्।

‘नेपाललाई आवश्यक पर्ने जस्तोसुकै सहयोग गर्न अमेरिका तयार छ,’ ट्रम्पलाई उद्धृत गर्दै एनबीसी न्यूजले जनाएको छ।

बाढीबाट ठूलो जनधनको क्षति भएको अवस्थामा अमेरिकी राष्ट्रपतिको यस्तो अभिव्यक्तिलाई नेपालप्रति अमेरिकाको ऐक्यबद्धता र मानवीय सहयोगको प्रतिबद्धताका रूपमा हेरिएको छ।